|
“I-i-i-h-h-h-h, siyanga?” Opo, mga minamahal naming Sariayahin! Ang inyong maganda, kinagigiliwan at kaisa-isang “tambayan online” ay magkakaroon na rin ng kanyang sariling tambayan at himpilan! Ito ay matatagpuan sa kalye S. Reynoso (dating Dalitiwan St.), sa ilayanan ng Greg Hospital! Isang dating pangarap la-ang ito noon pero sa biyaya ng Diyos, iya ay di utay-utay nang natutupad!
Sa ngay-on, ang munting opisinang ito ay inaayos at inihahanda pa ng ating webmaster Jubert Reyes at kasamahan niyang si Eric J. Dedace, STC, para sa kabatiran ng mga sariayahin na hindi pa rin kilala ang ating website. Ang mga nagtatanong na tingin at titig ng mga taong nagdaraan sa lugar, habang isinasagawa nila ito ay isa nang magandang uri ng patalastas o “advertisement” para dito! Gay-on din, ang kapuna-punang pagpapanibagong anyo at bihis ng Sariaya.net upang maging isang “sariaya super site” ay bunsod ng pagsusumikap na maging mas makabuluhan ito para maihayag ang sariaya sa kamalayan ng sandaigdigan.
Suportahan po natin ang magaganda, at kapaki-pakinabang na mga adhikain ng “SARIAYA.net” para sa minimithing kaunlaran, di lamang ng ating bayan kundi maging ng kaisipan, pananaw at damdamin ng sambayanang sariayahin tungo sa pag-iingat ng ating mga yamang kalikasan, at pagpapayabong ng ating mga sariling tradisyon, kalinangan, sining at pagkakakilanlan!
Bisitahin po nating palagi di lamang ang ating “online tambayan” sa Internet kundi maging ang ating tanggapang - tambayan sa Muntingbayan!
Mabuhay po tayong lahat!
|
...go go
